Այսօր վարժարանի էկոակումբի սովորողները «Գարդենիա» ակումբի անդամների հետ միասին մեդիակենտրոնում իրականացրեցին «Պատշգամբը՝ պարտեզ» նախագիծը: Աշխատանքն սկսեցին հողը մաղելուց, որից հետո լցրեցին թաղարների մեջ, տեղափոխեցին պատշգամբ և զգուշորեն հանելով փոքրիկ թաղարներից՝ չվնասելով արմատային համակարգը, բույսերը հատուկ հաջորդականությամբ տեղադրեցին մեծ թաղարների մեջ, ջրեցին: Աշխատանքն ավարտելուց հետո հրավիրեցին մեդիակենտրոնի աշխատակազմին, ովքեր նայելով վերջնական արդյունքը՝ հիացմունք արտահայտեցին: Ստանալով անհրաժեշտ ցուցմունքներ սովորողների կողմից խնամքի վերաբերյալ՝ գործընկերները խոստացան անվերապահորեն կատարել դրանք և պահպանել հրաշագեղ բույսերին: