Նախագծի նպատակը
- Շրջակա միջավայրի անշուք ,(ինչպես շենքի ներսում այնպես էլ դրսում) տգեղ և հոգնեցնող ցանկապատերը և որոշ պատեր դարձնել աչք շոյող գեղեցիկ, օգտակար (թթվածնով հարստացնող, փոշու ծավալը նվազեցնող և հոգեկան հանգստություն պարգևող) :
- Ցանման, տնկման , աճեցման խնամքի և պահպանման աշխատանքներին ներառել սովորողների, դասավանդողների, ծնողների, բնակիչների և որոշ պատկան մարմինների (թաղապետարան, քաղաքապետարան՝ ոռոգման հարցերի կարգավորման և մեր եղած բույսերին ու ծաղիկներին ավելացնել իրենց տրամադրության տակ եղածներից):
- Տեխնոլոգիական հմտություններ և կարողություններ հաղորդել ծրագիրն իրագործողներին:
- Ձեռք բերված փորձը տարածել կրթահամալիրից դուրս շենքերի բակեր, մոտակա տարածքներ
- Հաջող մեկնարկից հետո կազմակերպել հավաքված սերմերի վաճառք:
Նածագծի տևողությունը
Մեկնարկը վաղուց տրված է«Սերմնահավաք» նախագծով՝ բավականին սերմեր հավաքվել են, «Սերմնադարան» նախագծով՝ բավականին սերմեր դարանվել են, «Սերմնացան» նախագծով՝ որոշ սերմեր ցանվել են:
Նախագիծն իրագործման փուլում է՝ պատրաստվում են նոր սերմերի ցանքի աշխատանքներ ջերմոց-լաբորատորիայում:
Գարնանը կսկսվի դրսի աշխատամքները՝ տեղանքի ընտրում, հողի հավելման աշխատանքներ, բույսերի տեղափոխում այգիների ընտրված տարածքներ:
Նմանատիպ նախագծերը վերջնաժամկետ չունեն, նրանք անընդհատ շարունակելի են:
Աշխատանքների հաջող ընթացքի համար պետք է լինեն պատասխանատուներ:
Նախագծի արդյունքները
Հաջող ընթացքի դեպքում բոլոր առաջարկված և իրագործված նպատակները կդառնան արդյունքներ:
Նախագիծը կազմեցին՝ Շողիկ Պողոսյան, Անահիտ Եղյան, Սաթենիկ Մուրաջյան
Գարդենիա 